الزعل واحد

الزعل واحد 

.بقلم :الدكتورة مها محسن 

 الزعل كله واحد وان الواحد لو اتعرض لموقف بتكون درجه الزعل واحدة والزعل درجات واصعبها 

زعل الشخص الحساس

 بيبقي اكبر من زعل اي شخص عادي تاني مش هبالغ لو قولت يمكن اضعاف الطبيعي

طيب ليه ؟؟

 لانه طول الوقت بيبقي مستني من اقرب الناس ليه انه يلاقي منهم و عندهم اللي مش هيلاقيه ابداً عند غيرهم .. مستني منهم مشاعر اكتر من اي حاجة تانية .. مستني يفهموه من مجرد نظرته ليهم ..مستني يحسو بوجعه من غير ما يتكلم .. 

مستني ان زعله يأثر فيهم و يبقي همهم ازاي يراضوه .. 

مستني وقت تعبه وخوفه يحس انه غالي ويلاقي اللي بيحبهم حواليه السند و الضهر اللي يطمنه ويقويه ..

كلها مشاعر واحاسيس يمكن تبان بسيطة و سهلة انها تتعمل ..

بس عند اللي محتاجها معناها كبير اوي و قيمتها ماتسويش اي حاجة في الدنيا حقيقي بيحس ان قلبه موجوع

ربنا يهونها على اي حد زعلان وما يوجعش قلب حد ابدا يارب