الإهمال يقتل الحب
كتبت/وفاء المصري
الإهمال يقتل الحب
قِلة التقدير من أسوء الحاجات اللي ممكن تعيشها في علاقاتك، إنك تحس إن مجهودك ما بيتقدرش، اهتمامك ما بيتقدرش، وبعدين تكتشف إنك عملت زي معملتش، قدرت زي مقدرتش وكله محصل بعضه، في الحالة دي لازم تنسحب بهدوء لإن حرفيًا قِلة التقدير هتخليك تكره اللي قدامك مهما كان هو إيه بالنسبالك.
لو عودت الست على غيابك يبقى ما ترجعش تلومها؛ ما ترجعش تسألها عن مشاعرها تجاهك ولا تستنى منها تعاملك بنفس الشغف ونفس العطاء، غيابك المُتكرر وإهمالك بيغيّر فيها، بيحولها لشخص تاني غير اللي إنتَ عاشرته وعرفته، الست لما بتتساب لوحدها يأسها بيتملّك منها، وعقلها ما بيبطلش تفكير في كُل صغيرة وكبيرة وبتبدأ تقيّم العِلاقة من أول يوم لغاية الوقت اللي أدركت فيه إن عُمرها بيضيع في الولا حاجة ووجودها عندك زي عدمه وفي الحالة دي هي هتمشي ولو الست قررت تمشي بعد ما وصلت لمرحلة الوعي والإدراك مُستحيل ترجع؛ الست المُدركة لا تعود حتى ولو روحها فيك.
