مسافر…
بقلم/ فؤاد عبدالقادر حسين
كفاية هم ومواجع
مسافر ياأمي مش راجع
إنا حلمي مات وكفنته
لكن لساتني م دفنته
واخده معاي..
حضنك م معدش يكون دافئ
علي جمرك بقيت اسير حافي
وإنتي عليا م تخافي..
بقيت في ارضي متجافي
م ليا مكان.
إخترتي ياأمي ولاد الناس
واحنا اللي بقينا ولاد انجاس
هما اللي ساده واحنا عبيد
معدش جديد..
انا مسافر…
مسافر بس كلي جراح
مش لاقي ياأمي حتة براح
همومي بس محوطاني.
في ساقية بلف وخداني
ومات جوايا وجداني
من كل حاجه حرماني
معدش ليا في ارضي مكان
مسافر….
مسافر في مركب صيد
يمكن اموت غرقان
م انا ميت بقالي زمان.
او يمكن الاقي بر أمان
وأم حنونه تحضني
يكون حضنها دافئ
وناس قلبها صافي
تعرف يعني إيه
حقوق الانسان
كنت بحلم اكون دكتور
وفضلت أقرا واتعلم..
مكنش ليا في حلمي نصيب
وبقيت في ارضي حد غريب
ساعات ببكي…..
في نفسي أقول….
ياريتني م جيت..
ياريت ل حلمي
م كنت بنيت
إنا مسافر…
إنا مسافر ومش هرجع
مهما كنت بتوجع
منيش راجع..
إنا مسافر
إنا مسافر
بقلم/ فؤاد عبدالقادر حسين
