صاحب مش جدع
كلمات د/صبرين محمد الحاوي
يازمان غريب
فيك صاحب خاين
ومش جدع
مثل عليَّ الرجولة
وله ضحكة حلوة
وخجولة
بيبص في الارض
ويتكلم
من أدبه كنت
أنا باتعلم
وأقول ياريتني
أكون زيه
دا أنا صاحبي جدع
ومافيش زيه
وفيه عيش وملح
بقي بينا
وأكتر من الإخوات كنا
وعلي بعض
عمرنا ماهنا
وأمنتو على
أهلي ومالي
وكانت مراتي
أم عيالي
تعتبره إنه
أخويا الغالي
أتاريه ياعيني
كان ناويهالي
يسرق مالي
وأم عيالي
وقالتلي
خد بالك منه
دا اللي إنت
مابتستغناش عنه
خاين وماهوش
ابداً جدع
وكان بيعمل البدع
علشان يوقعني
في غرامه
وأنا اللي ماسمعتش
كلامه
قالي اهربي وسيبك منه
مثلت عليه وطمنته
وعيونه اللي كانت
في الأرض
كان بيمثل
وخلص العرض
والمسرح قفل الستارة
على الصحاب
ألف خسارة
مثل علينا بجدارة
يازمان غريب
فيك البدع
صاحبي خاين
ومش جدع
