طمني
رموشك ضله ع النني
وقلبي بشوقه مستني
لنظرة عشان تطمني
تقول إني ملكت هواك
وترحم قلب مستني
جواب يقولي إيه جواك
يرد عليا يفهمني
يقول آخرتها إيه وياك
هعيش وياك وتسعدني
ولا هدوق المرار بجفاك
حبيبي قول و فرحني
دا أنا نفسي أكون دنياك
وتشرب من حنان حبي
وأشبع من جمال رؤياك
وتكون للسهر قمري
وأكون حارس لنجم سماك
وتنكتب ع الجبين قدري
وأعيش عمري أسير لهواك
بقلم/ الشاعر فهمى محمود حجازى
