اه يا قلبي يا امي
كتب /رزق ملاك شفيق
اه يا قلبي يا امي
من كل قلبي بقول. الله يرحمك يا امي
يا اللي كنت شايله همى
كنتى دايما واقفه جنبي
كنتى معايا في فرح وحزني
ولا عمرك اتخليتي عني
كنتى دايما بتدعي لي
ولا يوم اهنتيني
لسه فاكر كلامك ليه
لسه فاكر الوصيه
اللي قلتها ليه
خلي بالك من اخواتك بعديه
عمرك يا امي ما قاسيتي عليه
انتى كنتى الدفه والحنيه
لسه كلامك في وداني
وصورتك دايما في بالى
لسه فاكر دعواتك ليه
لما كنت بتقولي لي
ده انت ابنى وغالى عليه
ربنا يسترها عليك يا عينيه
ولما قلتي لى يحبب فيك الناس اجمعبن
وربنا يسترها عليك من النهارده
ليوم الدين
وتفرح بعيالك وتشوفهم دكاتره ومهندسين
وفي حياتكم تكونوا سعداء وفرحانين
الله يرحمك يا امي
يا اللي كنت شايله دايما همي
صدقيني يا امي عمري ما نسيتك
ده انا دائما كانت
بيشوف طيفك
كنت بتجيلي في احلامي بتهون عليا الامي
كنت بتقولي ده انت ابني وغالي عليه
كفايه دموع عليه
صدقيني يا امي ما هنساكي
في الليل والصبح دايما باكى
نصيحه الكل الشباب الحلوين
اياك تزعلي الوالدين
اياك من دموع العين
ده كله الا زعل الوالدين
الله يرحمك يا امي
يا اللي كنت نور العين
اه يا قلبي يا امي
