حرامي اشتكى المسروق
حرامي سرق سرقته
واشتكى المسروق
وقال الخْلاَص في بُعده
والجو كده هيروق
زرع جنود حضرته
وسط الرجال
في السوق
وقال يعطل عملهم
وبعد كده هيسوق
مره بينشر فتن
ويعيب في أصل ملوك
وهو أصله عدم
عايش كما الصعلوك
لا مره حس بندم
ولا دم جري في عروق
يااللي انت غاوي الأذى
بكره الصحاب يخنوك
ويقولوا كلب ومضى
وبعدها ينسوك
في ناس سيرتهم دوا
في ذكرهم يداووك
وناس سيرتهم أذى
ذَكرتُهم تعبوك
بقلم الشاعر فهمى محمود حجازي
