كتبت / وفاء سليمان محمد
كتير بعد فترات ضغط نفسي أو دور برد بنلاقي زي حبوب او بثور ظهر في منطقة
جمب الفم وبتروح بصعوبة تعالو نعرف إي دي و ازاي نعالجها؟
اول حاجة ده نوع من العدوى الفيروسية وبنسميه الهربس “herps”
بيظهر بشكل اساسي في صورة طفح جلدي على صورة بثور في منطقة الفم
وفي منها بيظهر في المناطق التناسلية
طب شكل البثور دي عامل إزاي؟
اختصارا هي عبارة عن بثور صغيرة فيها سائل شفاف بتوجع وكمان بيكون في حكة (هرش) في المنطقة دي
طب لي ظهروها مرطبت بشكل كبير بدور البرد ولا فترات الضغط النفسي زي فترات الامتحانات ؟
باختصار الفترات دي بيحصل فيها انخفاض بشكل كبير في مناعتك وبالتالي يقدر فيرس الهربس إنه يتمكن من جسمك وتظهر الاعراض عليك
لكن بما إنها عدوى فيروسية فمش بتطول وبترجع المناعة تشتغل عليها تاني وبتروح في خلال من اسبوع لعشرة أيام
طب إي ممكن يكون العلاج ؟
• بناخد حاجة Antiviral تقلل من انتشار الفيرس وتساعد الجسم على التخلص منه
وممكن يتاخد دهان زي Acyclovir أو Zovirax و ممكن يتاخد أقراص في بعض الحالات زي Acyclovir 400
•بندى برده مخدر موضعي زي lidocaine gel
•ومضادات حساسية عشان الحكة زي اقراص Desa
•وآخر حاجة ممكن نتدخل بمضاد حيوي زي E-MOX أقراص او Garamycin كريم في حالة اننا خايفين يحصل عدوى ببكتيريا ( 2ry infection )
و في الاخر لازم ترجع لطبيبك أو لأقرب صيدلي ليك عشان يرشحلك العلاج المناسب حسب حالتك وحاول تعزز مناعتك دايما بمشروبات دافية وفيتامين سي
