عن حساسية الجيوب الأنفية
كتبت وفاء سليمان محمد
عن حساسية الجيوب الأنفية
فتعالى نعرف إي هي حساسية الجيوب الأنفية و إزاي تتخلص منها ؟
في الأول لازم نعرف هي الجيوب الانفية وظيفتها إي !
الجيوب الأنف ية بتظبط درجة حرارة الهوا الداخل لجسمك و بتمنع أي ميكروب موجود فيه أنه يوصله للجسم و ده عن طريق السائل الموجود فيها و اللي بتتخلص منه ياما عن طريق البلع او تطرده برا الجسم بالكحة او العطس
بس لما بتحصلك حساسية بوجود أي اتربة أو دخان أو روائح قوية مثلاً
بتبدأ الجيوب الأنفية تلتهب و تورم و يزيد فيها السائل و يبقى صعب أنها تتخلص منه
وده اللي بيعملك أعراض: – انسداد الأنف – الكحة
-صعوبة في التنفس -صداع
-انتفاخات حولين العين -رشح
-ألم في اجزاء من الوجه “بين العيون “
واللي بتكون من أصعب الأعراض اللي بيشتكي منها مريض الجيوب الأنفية المزمنة
طيب إزاي ممكن أقلل من التعرض للحساسية الجيوب الأنفية؟
▪︎حاول قدر الإمكان تبعد عن أي حاجة بتسببلك الحساسية
▪︎ابعد عن الحدائق في الربيع و بداية الصيف “وقت زيادة طلع النبات في
الهوا “
▪︎التزم بالكمامة في الأماكن العامة و اللي فيها احتمالية كبيرة للدخان و الأتربة
▪︎تجنب الروايح القوية
▪︎استنشق بخار الماية المغلية
و خد بالك مش كل الحالات تستعدي استخدام الأدوية و استنوا بوست جديد عشان هنعرف فيه إي هي أدوية الجيوب الأنفية و امته استخدمها
