شهيد الوطن حي
يالابسه الثوب الأسمر
حزنانه على ولادك
بيروحوا ضحية غدر
واقفين رجال …. صامدين
بيدافعوا عن عرضك وترابك
بتبكي بحزن وأسى
بكاكي أنين ….
وبنبكي وياكي
تعيشي وإحنا نموت
يامصر كلنا فداكي ….
يامصر يا أم الدنيا
يا أم التاريخ
يا أم الهرم والنيل
شهيدنا فيكي أصيل
وف الجنة يتجمعوا أحبابك
وتفضل الراية مرفوعة
دا مفيش دنيا في غيابك
المولى حاميكي بقدرته
من فوق سبع سموات
وصاينك من كل أعداءك
شهيد الوطن حى
مهما يقولوا مات
جايب لمصر الضى
وشهادته فيها حياة
لأجل يامصر تبقي
وتعيشي لأحبابك
رحم الله شهداء الوطن
بقلمي
صلاح شعبان الفيداوي
القاهرة
