يوم المرأة
في يوم المرأة والعزة
صرخت نساء غزة
فين الشهامة
فين تحمينا
م الخسة
بيقتلوا اولادنا
ويشردوا بناتنا
وقلوبكوا مش حاسه
في المعتقل ستات
صبيان معاها بنات
دا الغرب دول بشاوات
أساتذة في الحورات
و كدابين زفة
شبعنا م الشعارات
والشجب والحكايات
وكلام بصوت نعزة
دم الصغير بيفور
قتلوا بنات الحور
عقل العرب مسحور
بالشهوة واللذة
بكره هيجي الدور
على اللي بيات مسحور
ناسي بنات غزة
يا سبع يا مأسور فك
القيود دي وثور
مات الصغير بضمير
ميت من اللفة
يااللي شعاركم زيف
فين انتوا والضفة
نام الصغير في الطين
و كل العرب عارفة
خليكوا كده رافعين
شعاراتكم الزايفة
يااللي ناديتوا حطين
ويا صلاح الدين
وعقول ماهيش فاهمه
عمر صلاح الدين
مايحل ليكوا أزمة
إلا بصلاح الدين
ورجوعكوا للعصمة
نصبح من الفايزين
بقلم/الشاعرفهمى محمود حجازي
