كاتب الاغانى يسرى البنوبى
وعجبى عليكى يا دنيا
وانتى لما اللى يساوى مع اللى مايسواش فى نفس العيشه وحاطه الفيشه ومشغله تيارك ع الكل ليل ونهار ومخليه الكل بيقول أقدار لو لعبت بيه الدنيا يوماتى ، وتخليه بيصرخ ويهاتى وماينوبو من الدنيا غير انها بتسرع بيه وتدوس على احلامه بقسوة وتخليه يلوص ونلاقى طمع الدنيا بقا كله فلوس وفقير يسرق اللى أفقر منه والغنى طبعا هوه اللى يفوز وينفد باللى معاه من شيله ان قلت او كثرت وبقت حاجه كبيره بدام قافل على روحو ومشدد فوق أبوابه غير الأقفال يجى كام ترباس ومعدد فيهم بجميع الأنواع وفلوسه معاه ومأمن روحو بحراس حايشين عن راسه اى صداع ولا شايل م الدنيا هموم فوق رأس والفقير اهو ديما محتاس ومع ذلك منداس بمداس الدنيا ومطحون ومهما يبص فى كراس ولا يصعد ابدا للعالى ولا يكون له شأن مضمون ولا يرفع راس فى الدنيا مهما سهرها ليالى يتعب ويجد ونصيبه يلاقيه واهو حظه من الدنيا قليل وماينوله غير بس بقدرة ربه اللى بتتمد اليه ولو ذاكر اهو برضو مش راح يبقى معاه اى تذاكر لتقربله الدنيا بحالها لايديه ليواصل فوق امجاده أمجاد تانيه اكبر منها و تكون حصلاله على سلم أحلامه وتكونله حقيقه و علم امامه ولا يلحق حتى يحصل ولا حلم وهيفضل طول عمره بيعانى من الغير واهى دنيا غضبانه على كل فقير ومخليه الكل عليل ويا ويلنا وياها لو كان العمر طويل ويارب حوش عنا جميعا غضبها اللى مالوش ولا اى مثيل
