كيف نعلم الأجيال من الفشل
بقلم: وائل عبد السيد
يا جيل طالع وشايل حلم بكرة فـ إيد، اسمع كلامي ده فيه الخلاصة وأكيد. الحياة مش مجرد ضحكة وسكة ورد، دي عفرة وتعب ومجهود وعزم حديد. أول درس يا ابني.. الفشل مش عار، ده أول خطوة بتبني في طريقك دار. مين اللي نجح وما داقش طعم المر؟ ده اللي ما وقعش عمره ما عرف يختار.
لو يوم عترت وقمت.. ده هو ده النجاح، العجز إنك تسلم وتسيب الجناح. انفض غبارك وقوم كمل مشوارك، الليل مهما طول.. آخره يطل صباح. علم ولادك إن الوقت ده هو الراس مال، لا تضيعه في كلام ولا قعدة ع القال والقال. ارسم هدف وحط رجلك على الطريق، وخلي طموحك يهد جبال ويهز جبال.
بلاش تمشي ورا الموضة وعقل فاضي، ابني كيانك وخليك بـ مجهودك راضي. العلم سلاحك في زمن ملوش أمان، والصبر في الشدة هو اللي يخليك قاضي. وعلمهم كمان إن الأدب قبل العلام، وإن الكلمة الحلوة بتفتح الأبواب قدام. صاحب اللي يشدك لفوق وللخير، وابعد عن اللي يهد فيك الأحلام.
الفشل يا جيلنا.. مجرد تجربة ودرس، زي المطر لما بيسقي في الأرض غرس. لو خفت من الوقعة مش هتمشي خطوة، عيش بقلب ميت.. وازرع في بكره عرس. يا كل أب وكل أم.. ازرعوا الثقة، بلاش لوم يكسر نفس ويهد المنطقة. خلوهم يجربوا ويغلطوا ويتعلموا، الحكمة بتيجي من التجارب المتفرقة.
دي نصيحة مني.. ومن قلب بيحبكم، عايزين نشوف النور دايما في دربكم. مصر أمانة في إيد جيل واعي وقوي، والنجاح حليفكم.. لو الإرادة في قلب
