فيتامين أ 🤔

فيتامين أ 🤔

كتبت وفاء سليمان محمد 👇

فيتامين أ  ، زمان مع تطعيم ال٩ شهور كانوا بيدوا للطفل كبسولة كده إسمها فيتامين أ وكانوا بيدوهاله تاني عند عمر السنة ونص بس 🖐️

دلوقتي بقت بتتاخد مع تطعيم ال ٦ شهور وبقت تتكرر كل ٦ شهور لحد مالطفل يتم ٥ سنين يعني بقت ٩ جرعات مش جرعتين زي زمان

فعشان أهميته في نمو الطفل وتقوية مناعته بقينا نديه للطفل في الصحة مع التطعيم كل ٦ شهور ..

⭐الجرعة:

👈جرعة كل 6 شهور حتى سن 5 سنوات.

🌟 من 6 شهور لسنة: 100 الف وحدة =كبسولتين أڤيتون 50

🌟 من سنة ل 5 سنوات: 200 الف وحدة = 4 كبسولات أڤيتون 50

، تُفتح بمقص وتفرغ السائل اللي جواها في فم الطفل

المفروض في الوحدة الصحية أو مكتب الصحة اللي بتطعمي فيه الطفل يدوها للطفل مع التطعيم .. بس احيانا يقولك ناقصة أو مش موجودة أو يكسلوا أو ينسوا 😏

عشان كده انت خلي بالك واديها للطفل في البيت لو مخدهاش في الصحة .. هتجيبي الكبسولة من الصيدلية اسمها A viton 50 caps وتديها للطفل علي حسب عمره زي ماقلت فوق ☝️