فى حب مصر
بقلم / الشاعر على صابر
عيشتي يا مصر ابيه
لعمرك ركعتي
ولا بعتي القضيه
عن ارضك دفعتي
وفي حقك قويه
وأولادك معاكي
شهداء فداكي
لاجل رضاك وتبقي بهيه
يا نبض العروبه
ما تباتي مغلوبه
وانتي ولادك ايديهم عفيه
يا نهر يا جاري
يا ارضي وداري
وحبي الغالي وكل ما ليا
البي نداكي تلاقيني معاكي
وعمري ما اكون في خانة العصيه
عبور وعبرنا وخدنا بطارنا
وطهرنا ارضك من كل بغيه
انتي البدايه اللي ملهاش نهايه
وقلبي معاكي وقلبك معايا
يفكر عدوك يدوس بس ارضك
يكتب لنفسه هلاك الفنايا
نورك ينور لقلب الكلام
نعيش بنصرك بفخر وسلام
ويبقى حبك لينا هدايه
