💢عن التشنجات عند الاطفال
كتبت وفاء سليمان محمد
عن التشنجات عند الاطفال
نوبات احتباس النفس أو breath holding spells
👈 هي نوبات غير اراديه بتحصل للأطفال من ٦ شهور ل ٦ سنين وساعات تستمر ل ٨ سنين. ودي حالة عاديه ومش مؤذيه للطفل ولا بتاثر عليه ولا بتعمل نقص اوكسجين للمخ ولا تحتاج علاج التشنجات.
👈 السبب… تعرض الطفل لحاجة تغضبه او عياط شديد او خوف او ألم.
👈 الأعراض.. غالبا بتبتدي بعياط شديد وبعدها نفس الطفل ينقطع وممكن وشه يزرق او يبيض وساعات يحصله تشنجات زي اللي في الفيديو.
👈 نفرق بينها وبين التشنجات المرضية ازاي 🤔
الزرقان أو التشنجات مبتقعدش فتره طويله زي انواع التشنجات المرضيه يعني آخرها غالبا دقيقة.
👈 طيب نتصرف ازاي وقتها 🤔
١.. ننيم الطفل على الأرض عشان ميقعش.
٢.. لو فقد الوعي او النوبة طولت نتأكد ان مفيش حاجة في بوقه زي الأكل عشان ميشرقش وننيمه على جنبه اليمين ونتأكد ان رقبته مفروده مش متنيه.
٣.. لو المدة طولت عن دقيقة لازم نتابع مع الطبيب المعالج.
دمتم بخير
