صحتك بالدنيا
وفاء سليمان
بتشتكي من إرهاق وتعب من أقل مجهود بتعمله؟وبتنام معظم الوقت ؟
ولو سألتك على حالة عضمك والمفاصل ؟
هلاقيك بتقولي اه يا دكتورة جيتي على الجرح فعلا عضمي كله بيوجعني جدا وخصوصا ضهري وجربت أدوية كتير ومفيش فايدة
ولما هسألك لاحظت اي ارتعاش في عضلات جسمك الفترة الل فاتت؟
هسمعك بتقول اكنك قاعدة معايا ي دكتورة فعلا من وقت للتاني بيجلي رعشة غريبة في عضلات جسمي ومببقاش عارف اتحكم فيها
طب اخر سؤال فكرت تحلل فيتامين D؟
٩٩٪ هتكون أجابتك لاء
كتبت وفاء سليمان محمد 👇
خليني اقولك إن بنسبة كبيرة جدا سبب كل اللي عندك هو نقص فيتامين D
متقوليش بس انا بتعرض للشمس كل يوم
لان الموضوع اكبر من كده بكتير
خليني أقولك اي هي أهمية فيتامين D لجسمك
أول حاجة هي الل جت في بالك العضم بشكل أدق فيتامين D هي الراعي الرسمي للكالسيوم في جسمك من غيره جسمك مش هيقدر يستفيد من الكالسيوم تماما
وبكده معنى إن فيتامين D قليل يبقى الكالسيوم كمان قليل
بالظبط وتفتكر الجسم هيعرف يعيش بكالسيوم قليل ؟
عاوزة اقولك إن الجسم لما بيحس أن الكالسيوم قل بتوصل معاه إن يكسر في العضم عشان يقدر يخرج الكالسيوم اللي موجود فيه ويزوده في الدم واكيد انت كده فهمت لي عضمك بيوجعك وبتوصل انك مش قادر تقف عليه
ده غير إن فيتامين D مهم لمناعتك وبيساعد في حمايتك من العدوى
وكمان مهم للتركيز الذاكرة وده بردو يقولنا انت لي بقيت مش مركز وبتنام كتير الفترة اللي فاتت
في الأول كده هل كل الناس اللي بتعاني من نقص فيتامين D هيظهر عليهم الأعراض اللي قولناها؟
نقص فيتامين D درجات فلو انت عندك فيتامين دي ناقص بس بنسبة قليلة أو حتى متوسطة مش هتظهر عليك الأعراض دي لإنها بتبدأ تظهر لما يقل فيتامين D نقص شديد ووقتها كمية فيتامين D اللي بتاخدها من الشمس مش كفاية وهتحتاج تاخده من برا في صورة أقراص أو حقن
خليني اشرحلك بالارقام عشان تفهم أكتر
المستوى الطبيعي لفيتامين D في الدم هو 30
فلو قل لحد 21 ده هيكون معناه أن فيتامين D قل شوية وهيحتاج منك تزود تعرض للشمس وتزوده في الاكل لكن مش هيسببلك أي أعراض
إنما لو قل عن 20 فده معناه انك وصلت لمرحلة النقص الحاد وجسمك هيبدأ يبعتلك إنذرارت في صورة أعراض
و العلاج بيكون أقراص أو حقن فيتامين D
