جربت تحلم
جربت تحلم
والشمس طالعة
في وضح النهار
ورسمت أشواق
وقصور للغرام
وقبل ماتكتمل تنهار
ولقيت حياتك بعد أجمل حلم تنقلب لمرار
ده حلم القلوب المخلصة
تروي بمحبة وتحصد
م المرار أنهار
تزرع وسط الدمار أزهار
وتجني من الثمر صبار
تحضن تلملم تحتوي
والصدق ليها شعار
وبعد الحضن بتنكو ي
وكأنها حضنت
لهيب النار
ياقلبي ياللي زرعت سكتك من الحنان أشجار
وجعلت من وريدي مخدتك لتسعد الزوار
مش تبقى دى أخرتك
يرحل حمام الدار
وتبات على دمعتك
والحلم يبقى دمار
بقلم / الشاعر فهمي محمود حجازي
