تنميل في الايدين والرجلين معظم الوقت
احساس بشوك وأبر في ايدك أو رجلك
كتبت وفاء سليمان محمد
كلها أشكال احساس بالألم صعبة على صاحبها جدا
وعشان سامعاك وانت بتقول ااااه يا دكتور
تعالي اجاوبك على كل الاسئلة اللي بتيجي في بالك لما بتحس الوجع ده
وأقولها يا ترى الوجع ده سببه اي ؟
دي حاجة اسمها التهاب في الأعصاب الطرفية يعني اي
جسمك تقدر تقول كده فيه نوعين من الأعصاب ؛اعصاب مركزية مسئولة أنها ابعتلك الإشارات واعصاب طرفية بتستقبل الإشارات دي
واللي يهمني تعرفه أن الأعصاب الطرفية دي بشكل أساسي بتغذي الأطراف
ايوة بالظبط اللي هم ايديك ورجلك
الفكرة وما فيها أن الأعصاب دي حصل فيها التهاب فمبقتش بتعمل شغلانتها بشكل كويس
متستغربش وتعالي اشرحلك اكتر
دلوقتي لما تكون الأعصاب الطرفية مسئولة أنها تاخد منك إشارات وتبعتها للجهاز العصبي المركزي وهو يديها رد توصلهولك
خليني اقولك مثال ابسط لما بتمسك حاجة سخنة اي الل بيحصل ؟
بتسيبها على طول صح ؟
حلو جدا دي بقا شغلانة الأعصاب الطرفية
أنها تاخد المؤشر من برا الل هو السخونة وتبعتهه للجهاز العصبي المركزي وتقوله “ده مسك حاجة سخنة نعمل اي ؟”
يروح الجهاز المركزي باعت بسرعة جدا إشارات ويقولها “خليه يشيل أيده بسرعة هنتحرق ” وسبحان الله كل ده ف جزء من الثانية
طب انا بحكيلك كل ده لي ؟
مهي دي إجابة سؤالك دلوقتي لو الاعصاب دي مبقتش شغالة كويس
يعني الرادار بتاعتها بتاع الاحساس باظ
هيحصل اي ؟
بالظبط هتلاقي نفسك بتحس بالحاجة زيادة عن اللزوم فمش طايقة تلمس حاجة
او بتحس بشعور وخز الأبر أو حرق في ايديك ورجلك
ده كمان من أعراض التهاب الاعصاب الطرفية انك تحس اكنك لابس شارب أو جوانتي من غير ما تكون لابس حاجة
كمان بيظهر ضعف في العضلات ماخلاص بقا انت فهمت الأعصاب دي بتغذى عضلات الجسم
تعالي كده نجمع اللي فهمناه سوا
أول حاجة أن الأعصاب الطرفية مسئولة عن الإحساس بالألم والحرارة والاهتزاز واللمس
فلما يحصل فيها التهاب الوظايف دي بتتاثر وكده اكون فسرتلك كل الل انت حاسه
أيوة بس السؤال الأهم ده بيحصل لي
لي بيحصل التهاب في الأعصاب دي ؟
للاسف مفيش إجابة محددة اقدر اقولهالك لان الأسباب بتكون مختلفة وملهاش سبب معين فمثلا مرض السكر
مرضى السكر أكتر ناس معرضة للاتهاب الاعصاب وعشان كده دايما في علاجها فيتامين للأعصاب
و كمان الأمراض المناعية زي الروماتويد
وبرده فيروسات الكبد والهربس
فمن غير ما تفكر كتير بيكون صعب تحديد سبب التهاب الاعصاب الطرفية لكن الأكيد أن نقص فيتامين ب ١٢ عندك ممكن يبقى سبب اساسي في زيادة الموضوع
استنى متقلقش كل حاجة ليها علاج والموضوع بسيط أن شاء الله عشان كده استناني البوست اللي جاي هقولك فيه على كل العلاج الل هتكون محتاجه واقولك كمان على حاجات هتساعدك تقلل الوجع ولو عندك اي اسئلة تانية اكتبهالي وهرد عليك ف أقرب وقت
ومن هنا لحد وقتها ادامكم الله سالمين
تنميل في الايدين والرجلين
