اه والف اه
بقلم الشاعر محمد غنيم
اه لو يرجع بينا الزمان
واللمة الحلوة وسط الجيران
ونتجمع تاني في بيتنا القديم
ونحكي ع اللي كان وكان
نفسي ترجع الضحكة الجميلة
وترجع لينا الناس الأصيلة
اللي كانت بينا زمان
كان الفرش حتة حصيرة
بس كانت الضحكه صافية
والقلوب م طيبه دافيه
كان الحال ع قد الإيد
عمر ماكانت بيوتنا جافه
ايوه بيوتنا كانت من طين
كان جواها ناس طيبين
كانت ناس عايشه ع الفطرة
عشنا معاهم أجمل سنين
أه لو يرجع بيا الزمان
وامي وابويا يكونوا في المكان
هعيش خدام تحت الأقدام
دول بحر كبير من الحنان
