التعلق بالروح
بقلم: لبني بدر
عارف إن أصعب أنواع التعلق هو ” التعلق بالروح “
روحك لما بتتعلق بروح بني آدم …الله ف سماه لو اتجمع الكون إنه يخرجه من جواك ….مستحيل …
هتفضل فاكر لحظات اختطافه لك أول مرة
واللحظة الأولى اللي جمعتك بيه ، هتفضل فاكر شعورك بالخفة والطيران والسعادة وانت معاه
التعلق بالروح أعمق وأخطر من احساس التعود ..التعود شئ فرضي بتنفذه الأيام ..
لكن التعلق بروح انسان هو إحساس يفوق ” الحب ” بكتير ،حاجة كده تشبه ” الإدمان ”
إدمان الروح ده ابتلاء
إن لم تشفى منه هلكك
يا ظلم قلبك لو الروح دي راحت منك وتاهت وسط التوهة …
ويا حظك لو ربنا لم شملك على روح تخطفك وتاخدك لدنيتها اللي لا ليها أول من آخر …
ويا بختك لو الروح دي كانت من نصيبك بشكل أبدي وعاشتك وعشتها العمر كله ..
