آليات الدفع لدي الأطفال والتعبير عن مخاوفهم
أخصائي نفسي اكلينيكي
مريم محمود
آليات الدفع لدي الأطفال
ازاى الأطفال بتستخدمها وازاى الاهال تقدر توظفها صح أو تقلل من وجودها السلبى!؟
#مكيانزمات_الدفاعهى أساليب مختلفه بستخدمها الأشخاص لحماية ذاتهم أنفسهم والحفاظ عليهم أو تقلل من حده القلق، واوقات تستخدم بسبب الخوف من الخطر او الفقد او الخوف من أذى نفسة.
فكرة المكيانزمات انها بتم استخدامها بشكل غير شعورى بدون وعى سوا كان الشخص الراشد او الطفل.مكيانزمات الدفاع بتظهر بأشكال مختلفه مع كل الأفراد سوا كان أطفال او كبار…
خلونا نشوف بتظهر ازاى مع الأطفال؟!_ بتظهر اوقات في شكل غضب او عدوان
_ واوقات بتظهر في عدم الرغبه في الأكل واضطراب النوم
_ وممكن تظهر عن الانسحاب والعزله
_ العصبيه والعناد
_مشاكل في الدراسه
_ مشاكل مع الأقران او الأخوات وخلافات طول الوقت
كل ده بيظهر مع الأطفال عشان يحمي من حاجه هو مش قادر يعبر عنها بشكل واضح، بالتالي بيلجأ لحاجه هو عارف يعملها..
مهم نستكشف دوافع الأطفال عشان نعرف السلوك وراءة اى، وبيخفى وراءة مشاعر اى . يعنى مثلا عندك الغضب والعدوان هو لية الطفل عنيد او غضبان؟!دورك هنا كمربي انك تدور على أسباب حصلت فى محيط الطفل ووقت حدوث المشكله واى التغيرات اللى حصلت ف الفترة الأخيرة.
لان الغضب والعند ممكن يبقى مكيانزمات دفاع ضد الخوف مثلا، الخوف بقا من ولاده طفل جديد أو الخوف من الفقد او الألم او شعورة بالحزن لحدث حاصل.علينا ندور على اللحظات اللى بيكون فيها سلوكة مضطرب ونقرب من أطفالنا ونفهم احتياجهم.نديهم كمان مساحه للطفل يعبر عن مشاعرة الحقيقيه يعنى يقول انا حزين بسبب معامله بابا بالشكل ده، أو انا غضبان بسبب شعورى بالغيرة من اخويا الأصغر.طريقه تعبيرة بالشكل ده هيساعده ينمو ويكبر نفسيا ويقدر يتكيف مع البيئة.ده بيحصل بشكل تدريجي مع الأطفال تحديدا لما نكبر معاهم ونعودهم يعبروا عن مشاعرهم من وهما صغيرين..
العلاج بيكون علاقه كويسه مع الأطفال ونقرب منهم ونحتويهم.نعلمهم يتكلموا من غير خوف.نبعد عن التهديد والضرب والزعيقاطلب مساعده لو مقدرتش اساعد طفلي..
