النهارده العاشر من رمضان
بقلم حسام نشأت محمد
زي النهارده هجموا من الرجال
زي النهارده عبروا القنال
زي النهارده الضرب دار
والعركه بين أسد وحمار
حمار جبان مالوش أمان
اسمه اسرائيل ما لوش مكان
بين الأسود، مهما يسود
لابد يهرب زي الفيران
زي النهارده هربوا الفيران
زي النهارده والحق بان
دا الحق حق ولا عمره ضاع
بالقوه جه ،عاش اللي قال
زي النهارده هجموا الرجال
زي النهارده عبروا القنال
زي النهارده كان يوم عظيم
هجموا الرجال على الحريم
فتحوا السدود من غير حدود
رفعوا العلم ،رمضان كريم
في ضربه اولى وضربه تانيه
جنودنا فتحوا بارليف في ثانيه
وفي ربع يوم ،كان بس يوم
ولا الف يوم ،اسروا العيال
كستور كسوهم ،في طابور ساقوهم
مشهد جميل ولا في الخيال
زي النهارده هجموا الرجال
زي النهارده عبروا القنال
زي النهارده عملوها مره
ولألف مره وفي كل مره
قادرين عليكم بس بعينيكم
ده الصبر حلو وبدايته مره
ونهايته هانت، واللبة بانت
ومش كل مره تسلم الجره
الاولى راحت فاضل الاخيره
والوعد حق، والأمه حره
والدم حامي لكن بحكمة
وهتروق وتحلى وهتبقى عال
ووحوشنا صابره على الجحوش
وإيه تعمل الريح في الجبال
وزي النهارده هجموا الرجال
زي النهارده عبروا القنال
زي النهارده والضرب دار
والعركه بين اسد وحمار
……..
عاش العرب.
لو اتحدوا
