الزواج الخطأ لا يُصلحه الصبر فقط
كتبت / لينا أحمد دِبَّه
أحيانًا بنختار الزواج بدافع الحب، وأحيانًا بدافع الخوف من الوحدة…
لكن في الحالتين، ما في وجع أقسى من إنك تكتشف بعد سنين إنك اخترت الشخص الغلط.
الزواج الخطأ مؤلم، لأنك بتعيش فيه وأنت عارف جوّاك إنك ما مرتاح،
بس بتضحك، وتساير، وتقول “عشان الأولاد”، أو “ما دايرين الناس تقول فشلوا”.
وبين الخوف من كلام المجتمع، والحرص على شكل الأسرة،
بنضيع أنفسنا بصمت… بنموت بالبطيء.
لكن الحقيقة إن التضحيات بدون تقدير، ما بتصنع سعادة،
وإن استمرار الزواج المكسور ما بيصلح الأبناء،
بل بيخلق جيل جديد شايف الألم طبيعي والصمت فضيلة.
الزواج مش سجن باسم الواجب،
ولا تضحية باسم الصبر،
الزواج مشاركة، وراحة، وأمان.
وما في شيء أشجع من إنك تعترف إنك اخترت غلط،
وتبدأ تصلح حياتك من جديد… قبل ما تضيع كلها.
المجتمع ما بيعيش مكانك،
ولا بيتألم بوجعك،
فلا تخلي حكمه يكون أقوى من صوت قلبك وكرامتك.
