قصيدة قلب أبيض
كتب ،،علي صابر
صفحة بيضاء بدايةً من جديد
واللي قلبه أبيض عمره ما يكون عنيد
لا بيشيل ولا بيعاتب وبيفرح بالمحبة
ويبقى سعيد
أنتَ لي مهما كان الاختلاف
وأنا بَسامِح وأنت عارف قلبي شَفّاف
ما عندوش صعوبة يقابلك بالتآلف
لأنه حبّك وعمره ما يعاتبك مهما سمع أو شاف
فأنا معاك بادئ من جديد
فخليك زي النهار الصافي
وعوضني بحب يكون لسه وليد
وخليني في عيونك سارح
وحوّط عليّ المرة دي لأحسن أبقى شريد
خليني أمسك الورد من إيديك
وأحس بطعم الأمان
خليني أشوف الحب في عينيك
يطبطب عليّ ويعوضني حنان
خليني أحبك لأني بحبك
خليني أشوف فيك الصدق
خليني من غير قلق أودّك
ساعتها هتشوف عشق فوق العشق
خلّي الليالي تطرح نهار في عز الليل
عشان أشوفك بفرحة ووش بشوش
وقتها أحوطك بقلبي وفي عيني أشيل
وأرسمك في كلماتي وعلى قلبي تبقى منقوش
أنا صافي وماليش غيرك في الحب حبيب
مش هفتح في الماضي
ولا هجيب من ناحيتك أي عيب
فلما تشوفني خليك عادي
بلاش دموعك من عينيك تسيل
يكفيني أشوفك مستعد لإسعادي
وإن أنا لقلبك ومافيش غيري حبيب
