اصحوا ياعرب
لما العراق
كان رد
أمريكا غلب
جمع الجيوش للرد
وكان أول جيوشها
من العرب
علشان مايشعل
بِينا نار ويزيد
كمان فيها اللهب
ورد ع العدوان بشدة
وزاد في ناره والحطب
طب ليه في القدس
النخوة كان
فيها العطب
وليه الكيل بمكيالين
ونحكم فينا
أبو لهب
وكل يوم
بنشوف مجازر
م اليهود ضد العرب
وليه ضميرنا بينا خاب
وولى منا وذهب
وفين الأمن
يا مجلس عنب
وفين عقولكوا ياعرب
ولا الضمير ولى
وهرب
ولا إحنا شاطرين
ع القريب
وع الغريب
إلزم أدب
فكر يا صاحبي
في الحكاية
قبل العروبة ماتنضرب
ومد ايدك للي بيته
بينهدم وبيتخرب
واوعاك تآمِن
مكر ديب
طول عمره
لابد في القصب
طول ماأخوك
إيده ف ايديك
هتشوف معاه
كل العجب
وارمي الخلاف
من بين ايديك
دي الوحدة
أغلى من الدهب
هتلاقي مجد
عروبة ليك
راجعة ونورها
ماينحجب
يارب يكون
وصل إليك
كلام ضميري
اللي غلب
ويكون كلامي
خفيف عليك
مايكونش جمر
أو لهب
بقلم الشاعر/ فهمي محمود حجازي
