بدون ندم
قالوا لي معنى الحب
هين على القلوب
أنا قلت معنى الحب قسوتة قسوتين
لو قالوا ذنب
أنا قابلة ذنب
ومش هتوب
حبيتها والنبات
في قلبي اسمها
ولحد آخر يوم
في عمري هحبها
وان كان لكل حياتي معنى وللوجود
والله معنى الكون
في قلبي حبها
بحبها وعارف
إن الحب قابل للضياع
والكل شايف إن
حبي لها انتفاع
غابت ومعنى الحب عاتب على الغياب
و إحساسي خجلان
من دموعي والألم
والقلب داب والعمر
ضاع وبدون ندم
والحب كلمة بحبها
ومش راح أقولها
حبيتها حلم
وكل عمري هعيشه حلم
وحلمي موعود
بالتخلي وبالألم
قابل أحبك
وأقاسي هجرك
قابل أحبك
لجل معنى الحب بس
عيشي حياتك
واحرقي كل الورق
وحروفي واسمي احرقيهم وافرحي
ولجل فرحك
قابل جروحي والألم
وبدون ندم
بقلم/ أميرفايز علي
