كتبت وفاء سليمان محمد
يعنى طريقة طبيعية من طفل ذكى…علشان يهدى نفسه لو متوتر، أو زعلان او خايف ممكن وهو عاوز ينام، أو جعان حتى…أو سنانه وجعاه لتخفيف الألم
مص لأصابع أغلب الاطفال بيعملوها…و مفيش منها مشكلة فى الأول ممكن تسيبيه طالما صباعه نضيف
عادة مص الأصابع أطفال كتير بتبطلها من نفسها عند ال ٦ الى ٧ شهور…و الأغلب بتبطل بعد خلال ٢الى ٤ سنوات….و لو طفل كمل بعد كده بيبقى الموضوع له جذور سلوكية…انه مش بيعرف يعبر عن توتره بشكل يريحه
عادة مص الأصابع ممكن تؤثر على أسنان الطفل لو استمرت بعد ٤ سنين
الحل
إننا نبدأ نتدخل من بدرى على بعد الموضوع فى الأول بيبقى أسهل ونبعد عن اوقات التسنين والأوقات اللى الطفل فيها تعبان طبعا
⚠️ أمهات كتيرة بتفكر ازاى تمنع الطفل يمص صباعه..نلاقى الام ممكن تلبس الطفل واقى أو تحط شئ مر على الأصابع فى محاولة لمنع الطفل إنه يمص صوابعه طبعا ده مش صح
أولا لازم نعرف ليه الطفل بيعمل كده ليه وإمتى ومرتبط بإيه؟
مثلا لو جعان نظبط الرضعات و تدفق اللبن أو حتى الوجبات
أو لو عاوز ينام…نعمل روتين نوم و ننظم القيلوله و نظبط النوم من الأول
لو مكسوف نعلمه إزاى يعبر عن مشاعره نحضنه لكن لو منعناه بالقوة ممكن يدور على طرق تانية تهديه وممكن تبقى اكثر ضررا ليه
لو طفل كبير…بنتكلم معاه….بنفمهه ليه ده غلط…بنشغل ايديه دايما فى أنشطة….بنفكر فى اى اضطرابات نفسية بيمر بيها فى البيت….بنعمل لوحة شرف نشجعه بيها كل ما يبطل يمص صباعه
بلاش الضغط على الطفل لإن ده ممكن يأخر إقلاعه عنها
أخير الموضوع محتاج صبر وهدوء وحكمة
