أنا مش زيك. وانت مش زيي.

أنا مش زيك. وانت مش زيي.

زينب الجمل .  

أنا مش زيك. وانت مش زيي.

قوة تحملنا مش متساوية.. اللي أنت بتقدر تعديه.. غيرك بيحسه صعب و تقيل.. 

واللي انت مستحمله و مش بتشتكي منه.. غيرك شايله وهو تعبان و موجوع.. 

فلو مش قادر تفهم الحقيقة دي.. “اسكت” – 

متلومش حد على حزن وتعب أنت مش قادر تستوعبه أو تشوف حجمه.. 

بلاش تحسس حد انه بيتدلع وازاي مش قادر يشيل.. لمجرد انك شاطر و شايل.. 

لو مش قادر تستحمل شكوي.. و تطبطب و تهون.. عالأقل ماتقللش من زعل اللي قدامك.. 

خليك لطيف مع الناس.. لأن مهما حاولت مش هاتتخيل كل واحد شايل هم و بيعافر في حياته أد ايه !