هو ليه نحب اصلاً؟
كتبت/وفاء فتحي
ليه المجهود ده؟
وليه اطلع بره نفسي وادخل جوه الآخر؟
ليه اصلا ابذل مجهود علشان اشوف الخير فيه .. واشوف الإطار المرجعي اللي هو جاي منه واللي جايه منه آراءه أو أفعاله اللي بتضايقني .. ليه؟
السبب ببساطة “أحب لأني محتاج أتحب”
المبدأ اللي وراء أهمية المحبة الغير مشروطة، ودورها في نمو الإنسان والمجتمع، هي إن رغبتنا الأساسية “وإن لم ندركها دائما” واحتياجنا العميق جدا هو للمحبة.
اللي عنده فلوس كتير ومفيش حد بيحبه مش بيبقى سعيد، اللي جميلة جدا ومفيش حد بيقدر جمالها مش هتبقى سعيدة، المشهور واللي عنده شهادات أو قدرات بيبقى حزين وتعيس لو محدش بيحبه، وساعات كتير بيبقى إنسان بسيط جدا وسعيد لأن في أكتر من حد بيحبه وبيحترمه وبيتواصل معاه وبيشعر بيه.
رغبتنا الأساسية، اللي ساعات بنستعيض عنها “لما تكون مش موجودة” بالمال أو بالشهرة أو بالنجاح أو بتحقيق الذات “بشكل يضغى على الآخرين”، التنافس، كل ده بدائل عن المحبة.
الإنسان اللي بيدوق المحبة الحقيقية والغير مشروطة، الإنسان اللي بيفتح نفسه للناس بأخطائه وذنوبه وضعفه وتقصيره، وبعدين يحتضنوه ويحبوه ويحترموه، بيبقى سعيد، وكمان بيتشفي وبيتغير وبينمو.
ليه نحب؟ علشان احنا محتاجين نحب، احنا مجبولين على المحبة، المحبة هي فطرة الإنسان، لكنه ساعات كتير يغترب عن فطرته ويفتكر انه محتاج التنافس والانتصار والجنس والأكل، لكن احتياجه الأعمق للمحبة.علشان اشوف الخير فيه .. واشوف الإطار المرجعي اللي هو جاي
