( ملك الهيبة )
بقلم الإعلامية والشاعرة / ٱمال محمود
مكتب/ محافظة البحر الأحمر
قولي: أنت ملك ولا كتابة؟!
أنا من يومي ملك الغابة
وفهمت الدنيا الكدابة
دنيا ماليها وحوش وديابة
أنا سلطانهم سيد الناس
من تحتي الندل بينداس
ملك أنا تعرفني بالهيبة
ملك أنا ف القسوة وف الطيبة
خضت معارك ياما مهيبة
وتجارب أوقاتها عصيبة
سِبت عريني وقررت أبقى
وحش ما يقبل يوم بالعيبة
ده زمن لو هتعيشه وتبقى
طيّب فعلا تبقى مصيبة
كشّر عن أنيابك شوفهم
خاضعين ليك بطريقة غريبة
لو يوم تضعف أو تتساهل
تبقى بجد دي خيبتك خيبة
راح ينداس على راسك حتى
م اللي بيوتهم تبقى زريبة
خليك دايما سيد الحِتة
من مهدك ولسِن الشيبة!
