معركة وعى
كتب/سعيد ابراهيم السعيد
امريكا والغرب والكيان يراهن علي الشعب المصري ليخرج ضد القيادة السياسية ونشر الفوضي…
الحرب الاقتصادية وارتفاع الدولار حرب معد لها من قبل لخروج الشعب علي رئيس الدولة وعلي النظام .
خطة الحرب علي مصر متوقفة علي انهيار الشعب من الحملة الاقتصادية وارتفاع الأسعار .
الرئيس السيسي يقف في خندق ضد فريق مكون من تجار فجرة ورجال اعمال مصاصي دماء وفلول وبواقي نظام سابق راغب في العودة للمربع صفر ماقبل ثورة يناير واخوان متعطشين للانتقام من عزل رئيسهم وتنحية جماعتهم وسلفيين مكفرين النظام باللي فية وامريكا وانجلترا ملوك الشر اللي مش عاجبهم انك مبتسمعش الكلام ودماغك ناشفة واسرائيل اللي عنيها علي سينا علشان تخلص من الغزاوية ودول عربية هتموت وتشوفك زي ليبيا وسوريا واخيراً ضد شعب معظمة جاهل سياسة واقتصاد ودين همة علي كرشه وبس…مش عايز يفهم ولا هيفهم ….عايز العلف يترميلة وبس.
لما تكون بتلعب لوحدك ادام فريق مرعب زي دة …الثانية لها تمن….لازم تكون خطواتك سريعة وحاسمة وقوية وغشيمة
المباراة دى مفيهاش غالب ولا مغلوب….المباراة دى لو السيسي خسرها مش هنلاقي بلد اصلاً علشان تتحكم تاني وتتبني من تاني…المباراة دى لو الدولة خسرتها مش هتلاقي طوبة في البلد سليمة…لان الفريق المنافس مكلف بحرق كل متر فيها بعد هزيمتك…..عارف لو هتتغلب وهما هيعمروا ويصلحوا ويكملوا شغل ويعدلوا المايلة مش هنزعل والله لكن للأسف مسلسل حرق مصر وتفتيتها هيتنفذ بسرعة ودقة غير طبيعية بعد تفتت الدولة.
مصر علي وشك حرب وجود والوقوف مع بلدك واجب وطني والحياد خيانه.
بإذن الله لدينا من القدرات والإمكانيات ما يمكننا من إنفاذ إرادتنا وحماية أرضنا …ولكن الجبهة الداخلية اهم فنحن فى حصار أقتصادى مكتمل الأركان ( شايفين الدولار وصل كام ..)وعاملين علينا كماشة أقتصادية لضرب كل موارد الدولة الدولارية اللى بدأت تسمع فى السوق بالفعل.
أعداءك بيراهنوا على حاجتين من الحصار الأقتصادى على مصر
الرهان الأول:-
هو عدم تحمل الشعب المصرى وعدم صموده وإستسلامه أمام المؤامرة إلى الدرجة اللى تضغط فيه على القيادة السياسية لقبول أوامر الغرب الصهيوني مقابل نزول الأسعار .
الرهان الثانى :-
مش كل الناس واعية ومدركة لما يحدث اليوم واتهام الحكومة بالفشل والتقصير وسوء الإدارة فتكون النتيجة جعل القيادة المصــــرية تحت ضغط فقدان الظهير الشعبي وسيناريوهات الفوضي فتضطر من وجهة نظرهم للخضوع .
الحرب ليست حرب على الجيش المصـــرى ولا حرب على الرئيس السيسى إنما هى حرب على الشعب المصـــرى ونجاتنا مرهونة بصمودك أنت وتحملك أنت ووعيك أنت بحجم المؤامرة وأبعادها .
نحن نتعرض لحصار أقتصادى مكتمل الأركان أدى لأزمة سيولة لأسباب خارجية وليست أزمة أقتصادية داخلية والأسباب دى واضحة للأعمى ولو جبت كل خبراء الأقتصاد فى العالم فى ظل الحصار ده مفيش حاجة هتتغير
لحظة سقوط مصـــــر هى لحظة تصديق المصـــريين للفخ والمشهد يلزم أقصى درجات الوعى والأنتباه والأصطفاف … الخطر الحقيقي من الجبهة الداخلية هو محاولة تلبيس الحق بالباطل وتجاهل هذا الحريق الذى يحاصرنا من كل الإتجاهات وتأثيرة السلبي على حياتنا لإثارة غضبك والمتاجرة بك كوقود لسيناريوهات الفوضي لتحقيق أجندة عدوك دون أن تدرى والضمانة الوحيدة للنجاه هى وعيك وإدراكك الحقيقى لكل ما نمر به من عدوان وخطر وجودى لم يحدث بهذا الشكل من عام 1840 .
النجاه من الفخ حتميه بإذن الله ووعى الشعب ومصر سوف تربح على النفس الطويل .. فالحرب اليوم ليست حرب جيوش ولكن حرب أقتصاد وحرب نفسية ومعنويات وشائعات ودورك تحافظ على إخلاصك لوطنك .
#حفظ_الله_مصر
