محبتنيش
بقلم المستشاره/ هايدي أشرف
بشتكيك منك إليك
إزاي زيفت نطرة عينيك
ولمسة ايديك
زيفت إزاي رعشة صوتك في خوفي
البرد صاب جوفي وبترت بأيدك روحي
وكسرت الأمل فيا
مش كنت دايماً بتقوللي حبيتك
وإستنيتِك وأنتي الأمان ليا
بتكسر ليه فيا
بتمشي ليه وتسيبلي بواقي إمبارح
أديك أهوه جارح
وسايبلي ندوب وبمشي دروب الأحزان لوحدي
بقيت وحدي!
مش قولت باقي وإنك غير
مش قولت شاري وإنك خير
تركتني بقسوه وقولت راجع بكره
وبكره فات في سنين
وماليني حنين ع اللي كان بيننا
دموعي مبتجفش
تعاوير روحي مبتخفش ولا عارفه أعيش
قولت ليه حبيتني وأنت محبتنيش
انا عايشه ع الكام صوره
وكام كلمه في شات
وأصبح كلامي سكات
والأوضه ملت من الحنين والإشتياق
مجاش على بالي تبعد أو تجرح
مجاش على بالي فراق
مجاش على بالي تكسرني وتخذلني
حاربت الدنيا عشانك
وأديك أهوه بتحاربني
إستفدت إيه تكسر قلب حبك
وأنا قلبي طيب وحبيتك بجد
زرعت في صحرة قلبك ورد
وأنت قطفت ورد من قلبي
كسرت ليه قلبي
وقولت حبيتني وأنت محبتنيش
رعشة صوتي بتندهلك تاني
جاوبني بس على سؤالي
وقوللي أذنبت في أيه؟
غير إن أنا حبيت وشوفتك بيت
فيه بيننا وعود
ليه كل كلامك أصبح رصاص وبارود
بيصيب روحي
البرد صاب روحي ومش عارفه أعيش
قولت ليه حبيتني وأنت محبتنيش
