رايحة فين ياأم شال حرير
رايحة فين ياأم
…
جمالك زانه شامة على الخد …
وسحر عينيك يدوبو الشيبة ….
هدى الخطاوى وارحم. قلبى …
وتكعبلينى وراك يادى العيبة….
يابنت الاصل الزين والغاليين….
قولى لاابوكى منى زيارة قريبة ..
ماانا قلبى داب من خطوتين …
كنت فتوة ملو العين وبقيت خيبة..
حبك رمانى على الشطين ….
ومش عارف اعوم دى مصيبة …
واغرق فى هواك والناس تلوم….
ولا يقولو عاشق و ده عشق وطيبة..
رايحة على فين وقلبى معاك…
والسكة طويلة واعرة غريبة ….
رزينة صحيح مافيش كلام…..
ونظرة عينيك فيها حاجة رهيبة …
فيها عتاب وملام وسلام ….
وشوية حب وحنان وغرام …
ولهفة شوق وهمسات حبيبة…..
رايحة فين. ..وفين اخرك….
وأنا وراك ادب معاك مطرح ماتحب ….واعرف اخرك….
ده كلام العين قال كل الكلام …
وبقيت حكاية على كل لسان
حدوته جميلة وعجيبة
من ديوانى 
ايمان جمعة 
ايمان جمعة 
