حي شعبي – مشوار كفاح

حي شعبي – مشوار كفاح

  _ يمني محمد عاطف

أسكن في حارة بمنطقة شعبية وقاومت كتير من التحديات اليومية حتي وصلت إلي حلمي 

ناس كتير فاكراني غنية ودخلت مجال الإعلام بالفلوس ، ولكن هو مجهود رائع من العمر قضيته في القراءة والعلم من لحظة ما قررت ان اتغير للاحسن 

كتير اووي أقابل شباب محبط ممكن يكون عنده مرض ادمان، ناقص تعليم ، يكون بداخله شخص سلبي اووي ، انا عن نفسي مبحبش الإنسان اللي ذي ما هو مبيتحركش بيفضل ثابت في مكانه 

في ناس كتير بتقدر تغير مواطنها ولكن صعب الإنسان يقدر يغير تفكيره ، ويجتهد مع نفسه من غير ما يعتمد علي غيره علشان يقدر يكون قوي ، 

ناس كتير اووي عندها قدرة أنها تسافر وتغير جو في اي وقت ، وبتقدر تشوف الشمس ، انا في يوم من الايام كنت لما بطلع علي نصية الشارع يعتبرها خروجة, , علاقاتي بالناس كانت محدودة جدااا 

وكنت بحب الحيوانات أقصي حلم عندي 

أن اصدقائي يفضلون معايا بحاول اكون علاقات لغاية لما لقيت نفسي اكتئبت ووقتي وعمري بيضيع 

معرفتش ازاي أكن واثقة في نفسي ، قررت أن أقرأ من كتاب ربنا قربت منه اووي ، التلفزيون بالنسبة لي كان للناس الغنية بس ,بس قدرت ادخل المدينة وطلعت ببرنامج ميديا زوم ، ركزت علي نفسي ، بعت عن الناس السلبية ، وكان كل الي يهمني أن احس معاني الطبيعة واعرف قيمتها ، أقصي طموح ليا أن اشوف الشمس واحس بالهواء النقي وان نضيفة من جوايا ، بعت عن كل الاماكن السلبية اللي بتأثر فيا ، 

ولعبت رياضة وتمارين كتير جعلتني إنسانة جدية 

اي شاب عنده احباط وبيعمل غلطات في حياته 

هو مش فاهم حاجات كتير حوليه وبمعني آخر يمكن يكون مش عارف هو عايز اي من حياته وفي ناس كتير مأثرة عليه حاول تشوف نفسك واقفل علي نفسك علشان تقدر تكرر انت حابب تكون اي في المستقبل ،

الظروف مش عيب الإنسان مهم اووي قلبه طاهره وأحلامه البريئة يقدر يوصل مهما كانت الظروف بس انت عاند نفسك ، كمل في طريقك 

حكيت حكايتي لكل حد علشان نقدر نوصل أننا نشجع بعض ونحاول نفوق لحياتنا شوية ،المشاعر مش دايما بتكون هي الحل أننا نعرف قيمة الناس في حياتنا ، أهم حاجة السعي والحركة ونيتك 

ربنا يرزقك بالنية والدعاء ومع الله هتقدر تتغير وتقرب اكتر من حلمك ، الحلم ذي النفس ، والشمس 

وذي المياه اللي بتحري في عروقنا ، احلم علشان تعيش .