جاى منبن
هنا السباعى
جاى منين
مش مهم جاي منين
مش مهم ابن مين
مش مهم دلوقتي تبدأ
ولا بادئ من سنين
مش مهم انت عربي
ولا اوربي
ولا ابن الامريكين
تنطق لاوندي
ولا فرنسي
ولا فصيح في الضاد
وصوتك يجلجل الدواوين ..
مش مهم تكون معانا
ولا هناك
يهمنا انك تكون إنسان
علي الارض عايش
مش ملاك
مش مهم هتناديني
بصفتي اية
المهم قلبك شايل
في شنطه اية
خافي جوة النية
حيرة ..؟
ولا شايل حكايات
طويلة
هتحكي قصة
طولها قد قضبان
قطر سافر
والرجوع من غير معاد ..؟
ولا جوة الشنطة
قصاقيص مكتوب عليها
ان اللي فات
لسة جاي يحكي حكايات
لسة هتيجي تحكي التاريخ
وتقول دا كانوا
وراحوا …وقالوا …
مش عاوزين نسمع
يا شيخ ….
احكي في اللي جاي
وطمن التعبانين ..
قولهم ..ان سكة فرحتهم
هتعيش يومين
هتعيش وهتكتب من جديد
غير اللي مكتوب علي الجبين
قولهم ان الزمان
لسة ماشي
وان الامان ما يزورش قاسي
بس الكلام …لو مش هيبقي
زي الشواشي
مش سامعين …
مش عايزين كمان ارب
مليانة صبر
عايزين زوداة حمولها
جبر ..
جبر اد المكسورين
جبر اد المشتاقين
لنهار وضهر ..
ضهر هيغطي لحافه
غيطان المر ..
هيبدل بلونه الدهب
لون العطب
وهيصحي بقوة طلته
نوم العتب ..
لو كنت محمل
في الرجوع كل اللي
فات وبيك اتوهب …
يبقي عرفنا انت
مين ..
وجاي منين ..
وان لسانك لغته
حق في كل دين ….
ومش مهم جاي منين ..
ومش مهم ابن مين …
بقلم الشاعرة / هنا السباعي
