سمير الشرنوبي يكتب
الفترة دي صعبة اوي علي كل الناس ، كل الناس مش مرتاحة ومش مبسوطة ، الكل فيه اللي مكفيه وزيادة ، الكل عنده مليون حاجة شاغلة تفكيره وقلبه ، مع اختلاف التفاصيل والحكايات والهموم ، كل واحد سارح ف ملكوته وهمومه ، تحس الناس ماشية تايهة وسرحانه ، دماغها زي المفرمة ، شغالة في مليون اتجاه ، ياريت نعذر بعض ونراعي بعض ، ياريت بلاش العتاب
ياريت بلاش جملة ” مابتسألش ليه ” لو حد وحشك ادخل وكلمه واسأل عليه وخلاص . يعني مش حضرتك لوحدك اللي مشغول ومهموم والناس لاء ، الكل مسحول في حياته واليوم بيطير ، ومش عشان مثلا في ناس دايما بتضحك ومبتسمة و طبعها انها مش بتشتكي يبقي خلاص حياتهم زي الفل يعني وماعندهمش مشاكل ، اكيد لاء بس في ناس مابتحبش تشكي وتحكي همومها ومشاكلها ، ف ياريت نلتمس الاعذار لبعض ، ولو في كلمة طيبة نقولها ولو غير كدة نحتفظ بيها لنفسنا
” ربنا يهونها علي الجميع يارب ”
وكل عام وانتم بخير
