التشنجات الحراريه عند الأطفال

امتي بتحصل التشنجات دي..؟

إزاي اتصرف مع طفلي وقتها..؟

التشنجات الحرارية. :-

هي تشنجات تحدث نتيجة الارتفاع في درجات حرارة الطفل بشرط أن يكون سبب ارتفاعها مش التهابات بخلايا المخ ومدتها بتكون قصيره.

غالبا ما تصيب الأطفال ( من عمر ٦ شهور و حتى 6 سنوات و تصاحب بعض الأمراض اللي ممكن تسبب إرتفاع بدرجة حرارة الطفل( مثل إلتهاب اللوز، والأذن الوسطى، و الجديري المائي و الانفلونزا، والحمى القرمزية).

تتصرفى ازاي كأم في حاله حدوث تشنجات حرارية لأول مرة:

المطلوب منك كأم إنك تتصرفى بهدوء وتعملي الآتى:

تجريد الطفل من ملابسه ووضع الجزء الأسفل من الطفل تحت الماء الفاتر وعمل كمادات بعد ذلك لتقليل درجة الحرارة ودا اول خطوة في العلاج و بنسبة 99 % بتوقف التشنجات ودا المطلوب وتعطى دواء تخفض الحرارة دى اهم حاجه.

بعد كده تتوجهى لدكتور أطفال لفحص الطفل وتأكيد التشخيص وإستكمال العلاج.

في حالة استمرار التشنجات لعدة دقائق أو فقدان الوعي أو تشنج جزء من أجزاء الجسم ؟

التصرف الصح وقتها ينقل الطفل بسرعه لأقرب مستشفى للعلاج لأن دى مش صورة التشنجات الحراريه والحاله دى بتحتاج فحوصات ويبقى الطفل تحت الملاحظة فى المستشفى ويحتاج لأدوية تشنجات.

بنطمن حضرتك إن معظم حالات التشنج الحراري تتعافى تماما ولاتترك أثرا ولا تحتاج لأدوية تشنجات. علاجهافقط خوافض الحرارة عند اللزوم ومتابعة قياس درجات الحرارة وعلاج السبب.

طب يادكتورة لو الطفل اتشنج بس من غير اي إرتفاع في درجه الحراره أو قبل 6 شهور او بعد 6 سنين

دي في الغالب بتكون التشنجات غير الحراريه لإنها غير مصاحبه لإرتفاع في درجه الحراره ودي بتحتاج بعض الأشعه والتحاليل ورسم المخ لتحديد سببها واللي ممكن يكون كهربا زياده علي المخ.