من_أكتر_الأمراض_اللي_بتقابلنا__الأيام_دي الجديري_المائي
تعالوا في البوست دا نعرف يعني ايه جديري وايه هي اسبابه والأعراض بتاعته وكمان علاجه
كتبت وفاء سليمان محمد
👇
هو في الحقيقه مرض مشهور جداً في الاطفال ويمكن اكتر فئه بيحصل معاها المرض هما الأطفال تحديداً.
الطفح الجلدي بتاعه أو الحويصلات بتبدأ تظهر في الوش والرقبه والبطن وبعد كدا تبدأ تنتشر في الأطراف.
أحيانا الطفل بيسخن سخونه بسيطه جداً قبل ظهوره وكمان بيرفض الاكل..
طيب شكله بيكون عامل ازاي
بيكون عباره عن حويصلات مليانه بسايل ودايما بتفرقع وتعمل قشره لونها بني بعض الشئ..
الحويصلات دي بتكون مؤلمه ودايما الطفل بيكون عاوز يهرش فيها..
طيب ايه هي الاحتياطات اللي ناخدها مع الطفل اللي عنده جديري مائي
1️⃣الطفل يتعزل تماماً ومايروحش لا مدرسه ولا حضانه ولا يختلط بالحوامل ولا الاطفال لأن معدي جداً..
2️⃣لو الطفل كبير شويه بننبه عليه إنه ممنوع يهرش فيها وكمان مهم جداً يقص ضوافره.
3️⃣الطفل يستحمي بمايه بس وبلاش يستخدم صابونه او ليفه.
4️⃣لازم الطفل يكمل كورس العلاج لحد ما الحبوب دي تبدأ تقشر وطبعا متحاوليش تشيليها علشان هتسيب قشره.
