كتب / سمير الشرنوبي
داعيت للأموات و خلاص همشى لقيت المنظر ده
تخيل حضرتك إن دى أخرتها !! طب بس حاول تستوعب كده
فكر ولو لحظه .. متصور إن بعد كل الجرى و الهرى و الشقى
و الحب و الحياه و الأملاك و العيله و الصحاب
و الحبايب و الوظيفه و العلاقات و الصراعات .. تبقى دى أخرتها !!
يعنى أنا فى يوم من الأيام هلاقى أعز و أقرب الناس ليا
جايبينى هنا يدخلوني جوه و يسيبونى و يمشوا ؟!!
يعنى انا النهارده جاى ماشي بكره هاجى متشال ؟!!
يعنى الحفره دى انا هفضل فيها ليوم القيامه لوحدى ؟!!
قسماً بالله الدنيا ما تستاهل شئ و لا نبكى على حاجه فيها
إحنا غلابه و محتاجين نفوق
محتاجين نعمل لليوم اللى هيجيبونا فيه هنا
إحنا مقصرين أوى و بنجرى ورا الدنيا و ناسيين الأخره
اللهم ارزقنا حسن الخاتمة يارب العالمين
