عن التبول الا ارادى عند الاطفال
كتبت وفاء سليمان محمد
عن التبول الا ارادى عند الاطفال ، عندك مولود جديد وطفلك بداء يتعصب وجاله تبول لاارادي وكمان بيضرب اخوه 👌
📌البوست دا هيعرفك سبب تغير سلوك طفلك
انتي نفسك بتغيري لو لقيتي جوزك مجرد انه بيتكلم عن واحدة تانية فتخيلي طفلك كنتي انتي مهتمه بيه اهتمام كلي وجزئي وفجأه لقاكي مع طفل تاني 🤦
اكيد هيزعل طبعا ومش هيبقي متكيف مع الامر لانه هو اللي كان مدلل من العيله كلها جاله شريك تاني.
فكري معايا كدا ممكن يعمل اي كرد فعل طفل ؟
🔹هيحاول يلفت انتباهك بانه يعمل حاجات كان ممنوع منها قبل كدا زي :-
1️⃣ يكسر حاجات.
2️⃣ يتعصب.
3️⃣ وممكن كمان يلجاء إنه يعمل حمام مايه على نفسه بالليل أو بالنهار على الرغم من انه كان كويس قبل كدا
📍ووقتها بيكون سبب التبول اللاارادي هو المولود الجديد.
🔴 ودا بيكون محاولة منه للفت الانتباه وان محدش يتجاهله وساعتها لازم ندخل فورا لان لو ملحقناش الطفل ممكن يتطور الامر لحاجات أكتر من كدا احنا في غنا عنها.
🔴ولو انتي مفكره انك بتجاهلك ليه لحاجة معينة هو بيعملها هينساها تبقى غلطانه لا دا هيعمل حجات تانيه غيرها علشان يجذب انتباهك 👌
وممكن يتطور الامر انه يحاول يضرب اخوه أو يرمي الببرونة بتاعته أو أي حاجة تانيه 🤦
طيب اعمل اي يا دكتور ؟
ارضع التاني ولا اتحايل على الكبير انا كدا هيجيلي ضغط وسكر من العيال وباباهم 🥺
الحل انكم لازم انتم الاتنين اقصد انتي وباباه ليكم دور كبير :-
1️⃣ نشجعه ونمدح فيه انت شاطر انت بتخاف على اخوك وكمان نكفاءه بجوايز.
2️⃣ نشاركه في العابه اللي بيلعبها ونحسسه دايما بالاهتمام اكتر من الاول.
3️⃣ لازم كل واحد فيكم يقضي معاه فترة لوحده يوميا.
4️⃣ تقعدي معاه وتكوني مستعدة انك تسمعي منه زي انا مكنتش عايز الطفل دا يجي انا مش بحبه وتقدري تطمنيه وتحتويه وتفهميه انك بتحبيه اكتر من الاول وان دا اخوه الصغير ولازم يحبه.
5️⃣ شجعيه انه يتعاون معاكي على اساس انه اخوه الكبير زي :-
🔹 تشاركيه هات الحفاضات لاخوك انت الكبير.
🔹 يلا نحضر الرضعه لاخوك.
🔹 ساعدني نلبسه.
🔹 متخليش حد يلمس اخوك غير لما يغسل ايده.
📍 بكدا طفلك هيحس انه هو المسؤل عنه ونخلق جوه الحب والاهتمام والخوف على اخوه.
#انتي_دكتورة_طفلك
#سلوك_الاطفال
#مولود_جديد_اخوه_جاله_تبول_لا_ارادي
#كل_النصايح_حسب_منظمة_الصحة_الامريكية_لطب_الاطفال
