الدمامل وعلاجها
كتبت: وفاء سليمان محمد
الدمامل وعلاجها،
ناس كتير مش بتبقى عارفة إزاي يعالجوا الدمامل “boils ” ..بس سؤال هي إي الدمامل دي أصلا ؟
الدمل أو الboil بشكل بسيط بتكون عبارة عن حباية تحت الجلد فيها صديد و ده بشكل كبير بيحصل بسبب وجود بكتيريا عملت عدوى والتهاب في المكان ده والدمل ممكن يحصل في أي مكان في الجسم بس بنلاحظها أكتر في الوش
طب نقدر نعالج الدمامل في البيت ؟
خليني أقولك إن الدمامل الصغيرة نقدر نعالجها في البيت أما لو حجمها كبير بيكون الاحسن نلجئ لدكتور عشان يفتحها بشكل يمنع انتشار العدوى و كمان يديك مضاد حيوي مناسب
طيب أقدر اتعامل مع الدمامل الصغيرة في البيت إزاي؟
-نحط قطنة او قماشة نضيفة في ماية دافية بعد كده نحطها على الدمل من ١٠ ل ٢٠ دقيقة ونكرر ده ٣ او ٤ مرات في اليوم
-أول ما الدمل يتفتح لازم تغطيه بحاجة نضيفة عشان نمنع انتشار العدوى وتجنب تماما تفتح انت الدمل بالضغط عليه
-ونستخدم صابونة مطهرة لاماكن الدمامل بعد كده زي ®️Dettol أو®️ protex
-غير كده ممكن نستخدم دهان مضاد حيوي زي ®️Fucidin أو ®️Bactroban دهان ٣ مرات في اليوم
وفي الاخر لازم نرجع لأقرب صيدلي عشان يقولك الحل المناسب لحالتك
