نعم أستطيع
بقلم /. سهام ميلاد
أنا حوا نعم أستطيع
لاني حرة
غير قابلة للشراء والبيع
أنا حوا كلي نعومة ورقة
لكن أقوم بعملي بكل دقة
و عقلي كله دهاء وذكاء
ميغركش ضعفي أو دمعتين في بكاء
ضعفي هو اللي بيديني قوة
أنا معنديش عضلات ولا اقدر اكون فتوة
لكن قوتي في ذكائي وعقلي
أنا حوا أنا نصك التاني
ربنا خلقني من ضلعك
علشان اكون جنبك أكون حبك أكون عون و سند ليك و ديما فى ضهرك
أنا أمك. أنا أختك. أنا زوجتك أنا بنتك
أنا حوا بص حولك تلاقيني ديما حواليك
أنا في كل مكان حتي جوا قلبك
في كل قلب أدم تلاقي حوا
بيكرهها بيحبها لكن سابت علامة في قلبه جوا
أنا حوا وصلت لأعلي المراكز
لأنى عمرى ماكنت ناقصة عقل و دين
بعمل و أشتغل فى كل المجالات و كل الميادين
أنا حوا لا أقبل أكون مجرد جارية
أنا حوا غير قابلة للشراء و البيع
لاني بذكائي نعم أستطيع
