بقلم: نعمة حسن
خليك متفائل.. خليك واثق إن ربنا بيكتبلك أجمل سيناريو لحياتك، حتى لو مش فاهم دلوقتي تفاصيله
مفيش شر مطلق بيجيلك من عند ربنا، كل حاجة وراها حكمة، وكل حاجة معمولة مخصوص عشان ترفعك وتخليك أقوى
متخليش الخوف يسيطر عليك.. ولا تخلي القلق يسرق عمرك
انت اتخلقت عشان تعيش، عشان تفرح، عشان تحلم وتحقق.
اطمّن.. طول ما قلبك متعلق بالله، عمرك ما هتضيع
الرضا مش استسلام.. الرضا قوة، قوة بتخليك تشوف النور وسط العتمة، وتضحك حتى وإنت لسه ماوصلتش.
لما ترضى، هتلاقي طاقة جديدة بتجري في عروقك، هتحس إنك أخف من أي وجع، وإنك أقوى من أي خوف.
اعرف إن الخير جاي.. وإن أجمل أيامك لسه قدامك
فارضى.. وخلي يقينك أكبر من مخاوفك، وخلي أملك أقوى من كل وجعك.
الرضا هو المفتاح اللي بيفتح لك كل الأبواب المقفولة
