الشخصية النرجسية ..
جاذبية من بره ووجع من جوه
كتبت / سمر جرجس مرقص
اخصائية ارشاد نفسى و اسري و زواجى و تعديل سلوك
عمرك قابلت حد كده تحس إنه عايش طول عمره بيتفرج على نفسه؟
بيتكلم عشان يسمع صوته… بيضحك عشان الناس تصقف… وبيزعل لو محدش قاله إنه جامد وفخم ومالوش زي؟
الشخص ده مش مجرد حد شايف نفسه…
ده إنسان عايش في عالم خاص بيه شايف الناس حواليه كأنهم ديكور … كل واحد ليه دور صغير في حكايته ومينفعش حد يلمع غيره.
تفتكروا دى ثقة زيادة ؟
لأ… دي نرجسية.
وده نوع من الشخصيات اللي ظاهرها لامعة وجميلة لكن جواها وجع وشرخ كبير.
في المقال ده، هنتكلم سوا عن النرجسي…
إزاي بيفكر؟ وليه دايما حابب يكون في الصورة؟
وإزاي تحمي نفسك من وجوده في حياتك… من غير ما تخسري أعصابك ولا سلامك النفسي.
مستعدين ؟
طب يلا بينا
السمات الأساسية للشخصية النرجسية
تتسم الشخصية النرجسية بعدد من الصفات الواضحة، من أهمها:
١- الإحساس المبالغ فيه بأهمية الذات
يرى النرجسي نفسه دائمًا أكثر تميزًا وتفوقًا عن من حوله.
٢- خيال واسع بالنجاح والقوة
يحلم النرجسي دائمًا بالثراء، السلطة، الجمال المثالي، أو شريك حياة لا يُقاوم.
٣- الاحتياج المستمر للإعجاب
يسعى طوال الوقت للفت الأنظار والحصول على التقدير والإشادة ممن حوله.
٤- افتقار واضح للتعاطف
يجد صعوبة في الشعور بمشاعر الآخرين أو فهم احتياجاتهم العاطفية.
٥- سلوك استغلالي
غالبا ما يستخدم الناس كوسيلة لتحقيق أهدافه، دون مراعاة لمشاعرهم.
٦- الغيرة والشعور بالمنافسة الدائمة
يُصاب بالغيرة بسهولة، ويعتقد أن الآخرين يغارون منه أيضًا.
أسباب نشأه و تكوين الشخصية النرجسية!
تتعدد النظريات حول أسباب تطور الشخصية النرجسية، ومن أبرزها:
١ – عوامل وراثية
قد تلعب الجينات دورًا في توريث بعض السمات الشخصية، بما فيها الميل للنرجسية.
٢ – أسلوب التربية
التنشئة القائمة على التدليل الزائد أو القسوة المفرطة قد تساهم في تكوين شخصية نرجسية.
٣ – تجارب الطفولة المبكرة
الإهمال العاطفي ، الإذلال ، أو التجاهل في مرحلة الطفولة قد يدفع الشخص لتعويض هذا النقص بإحساس مبالغ فيه بذاته.
كيفية التعامل مع الشخصية النرجسية
التعامل مع الشخصية النرجسية قد يكون مرهقا نفسياً لكنه يصبح أسهل مع اتباع بعض القواعد .
١ – وضع حدود واضحة
لا تسمح للنرجسي بتجاوز مساحتك الشخصية، وحدد له خطوطًا لا يمكن تخطيها.
٢ – تجنب الدخول في جدالات عقيمة
المواجهة المباشرة عادة ما تنتهي بصدام غير مثمر.
٣ – الحفاظ على التوازن العاطفي
لا تنجرف خلف استفزازاته وحافظ على هدوئك الداخلي.
٤ – اللجوء للدعم النفسي
في حال تصاعد الموقف فمن الأفضل استشارة مختص نفسي للمساعدة في إدارة العلاقة.
الشخصية النرجسية ليست مجرد شخصية متكبرة أو واثقة أكثر من اللازم .. بل هي نمط نفسي معقد يتطلب وعياً وذكاء اجتماعياً للتعامل معه
وأخيرا..
الحياة أقصر من أن نضيعها في علاقات مؤذية.
ليس من الشجاعة البقاء مع من يستهلك طاقتك ويحطم قيمتك.
النرجسيون بارعون في التلاعب لكنك أذكى حين تحمي نفسك وتمنح قلبك لشخص يستحق
