أخبار أهلاوية..

🚨 أحمد شوبير 🎙️
كتب : احمدعبدالنبي
⛔️ إمبارح أصدر وكيل كولر بيانا بشأن أزمة مستحقاته عند الأهلي وقال إنه مفيش أي نوع من أنواع التفاوض ومحدش اتكلم معانا

⛔️ أنا هقولك اللي بيدور في الكواليس .. الأهلي عنده المحامي الإيطالي الشهير وكان شغال معاه مستشار قانوني براتب شهري وبعدين الأهلي قاله لا خلاص هشتغل معاك بالقضية بس فهو الراجل ده اللي صاغ التعاقد بين الأهلي وكولر

⛔️ خلونا نتكلم بمنتهى الصراحة .. الأهلي بيقول إن المدربين الكبار مش بيحطوا شرط جزائي ولأن الراجل كان عنده عروض بأرقام كبيرة وعرض خليجي قوي جدا وصل إلى 9 ملايين دولار في السنة والأهلي كان عايزه يكمل لأن فيه مشروع وكده الأهلي اقترح عقد السنتين بدل ما كان كل سنة ويجدد

⛔️ تم تفسير العقد مع النادي الأهلي بشكل سيء بكل صراحة والأهلي كان فاكر إنن لما ينهي العقد بأنه هيدفع مستحقاته المتبقية شهرين فقط تقريبا 450 ألف دولار وده رقم مش قليل ، ياريتها جت على كده ..

⛔️ ده لما الأهلي أعلن كولر أنه مشي تبين إن لـ كولر الحصول على راتب العقد المتبقي بالكامل، حتى نهاية الموسم المقبل .. وأنا كنت شايف إن صيغة العقد تتعمل بشكل أفضل من كده شوية لأن المبلغ اللي هيتحمله الأهلي كبير جدا جدا

⛔️ الأهلي رامي على المحامي الإيطالي إنه يتعامل بهدوء مع مارسيل كولر .. عايز أقولك إن الجهاز المعاون لكولر لسه قاعد في مصر ممشيش لأن أولادهم في المدارس ومستقرين وبيقبضوا راتبهم

⛔️ هل الأهلي هينجح في التفاوض مع كولر؟ معرفشي وبصراحة المؤشرات مش إيجابية.. بيان امبارح ده بيقول إن المؤشرات مش إيجابية خالص

⛔️ كولر كان حزين جدا بعد رحيله من الأهلي بسبب الهجوم اللي اتعرض ليه وقال أنا كسبت 11 بطولة ومخسرتش الدوري وطالع من أفريقيا بدون ما أخسر ولا أستحق الهجوم ده كله

⛔️ لازم حد محنك يتفاوض مع الراجل أو الأهلي هيضطر يدفع فلوسه كل شهر لنهاية عقدة أو ممكن كمان كولر يصر على إنه ياخد فلوسه كلها دفعة واحدة ..