ميدو حسان يكتب:كل ابتلاء في باطنه رحمه

بقلم / ميدو حسان

فيه جملة بتقول “لما يجي الشخص الصح هتلاقيك مرتاح ورايق وهتلاقي ربنا بيمشي الأمور بهدوء عظيم

وبصراحة أنا مؤمن بالكلام ده جدا، انت مهما قعدت تعدد المواصفات اللي بتتمناها في شريك حياتك

ومهما قابلت ناس وحسيت إنك مش هترتاح لحد من كتر رفضك، ومهما اتلخبطت واتخبطت قبل كده فانت بوجود الشخص المناسب هتنسى كل ده

وهتلاقي ربنا ميسّر كل خطوة ومبارك فيها .. هتلاقي نفسك حد تاني، أهدا وألطف وأحن وجواك حاجه بتقولك إن خلاص نصيبك معاك.

يعني هتلف الايام والله .. وهتعرفوا إن كل خساره في حياتكم كانت مكسب

وكل منع كان من وراه نعمه وفضل وكل حاجه اتصرفت عنكم كانت شر مش كل الناس بتشوف الحكمه من الظواهر إللي شكلها وجع وباطنها رحمه وخير ولا كل إللي بيشوف بيفهم الرساله..

ثقوا إن رب الخير لا يأتي إلا بالخير وإنوإن كل مطب في طريقك

وإن كل حد وحش ، وإن كل وقعه ، وإن كل خبطه .. والله من وراها خير و رحمه وإللي يقع منكم في الطريق بيقع عشان إنتم تستاهلوا أحسن من كده و هيجيلكم بداله حاجه تليق بصبركم

ربنا عالم بكل خدشه مداريه جواكم وهيجبركم والله ويبهركم بعوضه