أجرى الحوار : محمد صبري المهر
“شيماء عامر الأبياري” خبيرة تجميل البشرة والشعر في أوائل العشرينيات من عمرها، و من مواليد محافظة البحيرة إستطاعت تحقيق إنجازات محلية وعالمية في مجالها هي لذلك سعينا الي الحوار معها.. في البداية سألناها :-
– كيف كانت بدايتك وهل واجهتي مصاعب؟
– المصاعب اللي واجهتني إني إتجوزت صغيره عشان البس فستان وأفرح زي البنات ومانصحش أي بنت تتجوز صغيره نهائي وجبت تؤام وكان فيه مشاكل زوجيه كثيره وإنفصلت عن زوجي وبقي معايا أجمل بنوتين، وبعد كده بدأت أتعلم الشغل لوحدي لحد ماوصلت لاني بقيت أصغر واحدة في مجالي
– إزاي قدرتي تتخطي كل الصعوبات التي واجهتك ؟
– اتخطيت كل الصعوبات بأمي أخواتي وكل ما أشوف بناتي قدامي بتحدي نفسي أكتر وأكتر.
– ما هي مقومات خبير التجميل والبشرة الناجح ؟
– مقومات خبيرة التجميل الناجحه إنها متضرش حد عشان تكسب فلوس ع حساب العملاء.
– هل في يوم حد قال لك إن أنتي مش موهوبه أو وجهلك كلام جعلك تحسي إنك مش هتكملي ولو ده حصل معاكي انتي اتعاملتي إزاي مع الموقف ده ؟
– في البداية فيه ناس كتير هاجموني لأني صغيره وإزاي هما من زمان في المجال و محدش سمع عنهم وأنا سحبت البساط من تحتهم كده وبقي الكل بيتكلم عني بس أنا باخد الإيجابيات بس والسلبيات الواحد برميها ورا ضهري وبكمل.
– من هو أهم داعم ليكي؟
– أهم داعم ليا هي والدتي وأنا لو عملت المستحيل مش هقدر أرد جمايلها عليا.
– من هو قدوتك أو مثلك الأعلى في مجال التجميل والبشرة ؟
– قدوتي ومثلي الأعلي الدكتوره فرح والناس الجميله اللي مهتمه بالشباب الطموح اللي عايز ينجح.
ما هي أهم إنجازاتك فى مجالك؟
– أهم انجازاتي إني عمري ما عجزت عن إصلاح أخطاء غيري في مجال البشرة والشعر و الحمد لله معايا شهادات دولية من البورد الأمريكي وغيره.
– ما هي أمنيتك التي تحاولي تحقيقها في مجالك؟
– أهمية الي بقدمة إني مجالي تجميل البشرة والشعر و تاج المرأة شعرها وده بيحسن من نفسيتهم.
– هل تقبلي النقد في عملك ؟
– أقبل النقد جداً ودايماً بغير من نفسي
– حدثينا عن خططك المستقبليه؟
– مستقبلي بيد الله بس أنا طمعانه في كرم ربنا أكتر إني أبقي أقوي وأكبر خبيره تجميل في مصر والعالم.
– وفي الختام .. كلمة أخيرة لجريدة مصر اليوم وللشباب في مصر و العالم العربي.
– أحب أشكر جريدة مصر اليوم لدعمها للشباب اللي زيي وفي نجاح دايما يا رب.
