ياسيد الآرنات
عمال بتخرف وبتهذي
بكل العبارات
بتقولي أنا هعمل
وهاسوي
ومعايا وسطات
قال يعني مفتح
ومدقدق وبتاع حركات
عمال تتمحك تتلزق
ترمي بإشارات
والكل اتبرأ من لعبك
ومن الحوارات
بتلوث صورتك
وف صورة أفضل
قيادات
والكل برئ من أفعالك
حتى الإدارات
ارحمنا ودور على غيرنا
وكفايا روايات
عمال بتزمر وتطبل
بتداري حاجات
لو حد عرفها وانكشفت
فيها كلبشات
وفضايح سب وتحرش
تنزف صجات
اعقلها ياشاطر وكفايا
قبل الصدمات
هتلاقي الخبطة
ورا التانية ومحاضر
ويا الحجوزات
والكل يبيعك
فى الثانية أربع مرات
ماخلاص كده بقى
رُحت ف داهية
ياسيد الآرنات
لاهينفع مكر ولا محايلة
ولا تعلب فات
وهتدفع ظلمك
وعمايلك ويلات
وأهات
وافتكر إن أنا يوم
فكرتك بكام ظالم
مات
لا نفعهم مكر
ولا تحايل ولا نفعت
يومها الوسطات
بقلم الشاعر فهمى محمود حجازى
