هل الصيام ليه تأثير على مريض الدهون؟
كتبت وفاء سليمان محمد 👇
هل الصيام ليه تأثير على مريض الدهون؟ ، خليني اقولك إن أكتر الناس اللي الصيام مفيد ليهم هم مرضى دهون الدم ومش بيمثل أي خطر عليهم تماما تعالي نعرف إزاي
مريض الدهون بيكون عنده زيادة في دهون الدم المضرة LDL وانخفاض في الدهون النافعة HDL وزيادة الكوليسترول واللي بتمثل خطر على القلب والضغط
والدهون دي بتكون موجودة في مصادر كتير من الاكل فمن أول طرق العلاج إننا نتحكم في دخول الدهون دي للجسم عن طريق الاكل ونزود الحرق وده بالظبط اللي بيعمله الصيام واللى أثبتته دراسات علمية كتير اتعملت على مرضى الدهون
طب ننصح مريض الدهون بإيه في رمضان ؟
-يحاول ينتظم على نظام الأكل الصحي الل كان قبل ماشي عليه قبل رمضان
-يقلل من الملح و السكر قدر الإمكان
-يتجنب التدخين
-ممارسة اي نشاط بدني بعد الفطار بساعتين زي المشي
-وأخيرا تاخد نصيحة طبيبك لو هتكون محتاج تغير في نظام علاجك أو أكلك خلال الشهر الفضيل
#صوموا_تصحوا
